Sinesine

Words and music by Lorenzo Niñal
published by ICO Music

Sinesine wala tay laing lingaw
Kandila luyo sa habol
Katawang binayran og pisong kinawat
Sa gubaong pitakang lola

Anino sa mga artistang papel
Gihinganlan tag si Pedro’g Sabel
Silang bida niadtong estorya
Sa gugma nga way katumanan

Chorus:
Sinesine sa bata pa
di na unta matapos pa
Bisan pa man sa pagdagan sa panahon
Lantawon mga eksena nga molabay
Tanang tawo makasakay
saksihan ta ang pagdagan sa panahon

Sigesigeha lang imong pagkalaw
Ayg kahadlok may kahayag
Modan-ag sa dalang mangitngit
Lakip na ang langit daw lapad nga adlaw

Ang kinabuhi sugilanong hiwi
Kalipay kasakit ug kalami
Silang bida niining salida
Sa gugma nga way katumanan

Chorus
Instrumental
Chorus

Kung Ako Ka Pa Lang

Words and music by Lorenzo Niñal
published by ICO Music

Kung ako ka pa lang
Tibuok kalibutan ko kanunayng nagmaya
Walay kahangawan walay kaguol
Kung ako ka pa lang
Ang tanan sa kinabuhi ko walay laing tumong
Kundi alagaran ka ug mahalon

Alagaran ka sa adlaw nga tanan
Bisan pa man magluhod sa imong tiilan
Kay ikaw ang gisinggit ning dughan
Ning dughan ko nga samaran
Ikaw ang gisinggit ning dughan
Adlawng tanan

Prinsipal

Words and music by Lorenzo Niñal
published by ICO Music

Prinsipal gusto ko nga mag-artista
Gikapoy na ko’g eskwela
Way allowance hagbong pa
Manimpad kining pobre sa Manila
Magpacute sa taga-Viva
Basig madiscover pa

Anad na akong mag-inartista
Sa balay magpakaaron-ingnon
Nga busog bisag wa nay kusog

Prinsipal pwede kong magkontra-bida
Kining dagway ko’g postura
Angayan mangulata
Ayaw lang, ayaw’g sabang mama’g papa
Ako s’la isurpresa
Kung sikat ug dato na

Anad na akong mag-inartista
Sa balay magpakaaron-ingnon
Nga tigas bisag wa nay bugas

Mga pangandoy nga nagpatagad
Sa ulo ko nga labad
Dili mahimutang kung di maka-lupad
Aron ingnon nga tigas bisag wa nay bugas

Anad na akong mag-inartista
Sa balay magpakaaron-ingnon
Nga tigas bisag wa nay bugas
Ingnon nga busog bisag wa nay kusog
Ingnon nga maru bisag brayt pang iro
Ingnon nga bagsik bisag di katuhik
Lalalalalala…

Englisera

Words and music by Lorenzo Niñal
published by ICO Music

Aduna koy nabantayan
Nausab na ang akong sinultihan
May sagol nang iningles like ‘whatever’ and ‘well’
Sukad nga nakaila tika

Giingnan ko sa imong friends
Nga you find kuno baduy ang bisayang pinulongan
Manlimbawot imong balhibo kung makadungog nag
Pulong sama sa gugma

Chorus:
So I say I love you is it okay with you
Bahala na’g makahilak
Ang lolo kong magbabalak
I’ll tell him ‘Well my lolo I’m in love not like you
I’m not too old to learn an English word or two’

Nagkuyog ta sa sinehan
Gikataw-an mo ang trailer ni Piolo ug Judy Ann
Way laing naingon kundi ‘whatever’ and ‘well’
Dayong gawas sa pultahan

Giingnan ko sa imong friends
Nga you find kuno baduy mga pelikulang pinoy
Bahala na’g luod basta gikan sa Hollywood
Always makes you feel so good

Chorus

Unya kalit kang nawala
Wa ka nagpahibalo
Niining bisdak nga na-in love kanimo
I thought kitang duha together, forever
Ako imo diayng gipasakitan

Giingnan ko sa imong friends
Nga ningkuyog ka kuno sa ‘mong ka-textmate nga kano
Nanlimbawt akong balhibo sa nasayran ko nga
Ang kano otsenta na

Still I, say I love you though you’re hurting me so
Bahala na’g makahilak ang lolo kong magbabalak
I’ll tell him ‘Well my lolo I’m your stupid apo
Naminaw lang unta ako sa tambag mo
Now I’m too hurt to learn an English word or two’

Alas 4

Words and music by Lorenzo Niñal
published by ICO Music

Alas kwatro sa kadlawon nakamata ako
Sa hagok mong lanog kaayo
Sa kabug-at sa paa mo
Nagyawyaw ka nga natulog
Nagngisi nga nahinanok
Gipaminaw tika puno sa gugma

Wa ka na ba kaila kanako
Laing ngalan ang gisangpit mo
Nganong naghisgot kag ayala
Di pa sa SM man ta magkita
Nagyawyaw ka nga natulog
Nagngisi nga nahinanok
Gipaminaw tika puno sa gugma

Mactan, bantayan, malapascua
Basin nasaag ka
Dili nato trip ang swimming
Game ka na ba lang ang kalipay ta
Nagyaw ka nga natulog
Nagngisi nga nahinanok
Gipaminaw tika puno sa gugma

Nagyawyaw ka natulog…

Alas kwatro sa kadlawon magamata ako
Hapuhapon kong kaanyag mo ikalipay ko
Magyawyaw ka man og laing ngalan
Bisag sakit sa dughan
Paminawon tika paminawon tika

Suroysuroy

Words and music by Lorenzo Niñal
published by ICO Music

Ipaagi lang og lakbay-lakbay patid labay-labay
Sa lata nga gamay
Ang mga kahilayan nga milumay kang dodong ug
inday
Luyo unya sa 'tong katawa tan-awa ta og may
kalipay ba

Sayo sa buntag sugod na paglakaw
Kay ang adlaw sa imong panit di pa sakit
Ang kadalanan sa atong dakbayan
Gubot pa's lukot basin ka'g maugmaan
Ayaw baya og pagmahay ayaw baya'g ingna nga
Wa ka kaangay
Kay ang makita mo migo kaugalingon mo

Dalan Colon gamay lang gud gihapon
Ang Gazini'ng sunog balay na 'ron sa buyog
May mga batang naghingos og putos
Abi nimo'g pansit apan diay papilit

Liko's tu-o padung Jones Avenue
You gotta say it cool mura pu'g Amerikano
But your American Express gikawat sa pulis

Chorus

Ay'g tugot nga sa Fuente ka magutman
Kay usahay sa Larsian magsakit ang tiyan
Si Aida, Lorna, o di ba si Fe
Ay'g pada sa tigaw maa-an ka nga bugaw

Liko's tu-o padung Jones Avenue
You gotta say it cool mura pu'g Amerikano
The girls will need the money soon
Kay finals na puhon

Chorus

padapapapa. . .

Duha, tulo, upat ang malls sa Cebu
May Ayala, Shoemart, may Carbon ug Happy Mart
33, 32, 51 ug 82
Mga cell phone gilabni sa tindero'g mani

Liko's tu-o padung Jones Avenue
You gotta say it cool mura pu'g Amerikano
The city smells of guns and goons
No more candies and balloons

Chorus

Kamagayan

Words and music by Lorenzo Niñal
published by ICO Music

Daplin sa dalan kilid sa may Kamagayan
Atong gisaw-an ang kalipay sa atong tagay
Atong gidimdim ang katam-is
Sa atoa nga panaghigalaay
Ngano ba diay’g magbuntagay
Basta di lang kanunay. . . .

Magkalalis magkaaway
Way undang nga linibakay
Mangatawa kung adunay mosarasay
Kuwang nalang ang maghinilakay
Kung problema na ang mahisgotan
Kung asa ang atong padulngan
Ning kalibutan tang gamay
Hehehehey …

Iglabay sa mga katuigan ato pa kaha nga
Mahinumduman ang atong tagay
Handumon pa kaha ang mga
Sadyang adlaw sa atong kabantan-on
Kung kunot na ang atong nawong
Kung hurot na ang atong ngipon
Pasangil ba ang pagkamalimtanon

Daplin sa dalan kilid sa may Kamagayan
May mga estorya pa kahang pagaambitan
May kasingkasing pa kaha nga mabalaka
Kung mobunok ang uwan
Way payag nga mapasilongan
May adlaw pa kaha nga mosubang
Dinhi kilid sa Kamagayan

Inday

Words and music by Lorenzo Niñal
published by ICO Music

Inday
Wa na sab tay tingganay
Lately man gud
Sige lang kag pangaway
Asta na akong hinapay
Imong gitamay

Inday
Please don't say to me goodbye
Unless you want to see me cry a river
Tanan nga gusto mo, inday, ihatag ko
Maputos man ko sa utang ok lang
Sulngon ko ang panggubatan
Pakamatyan ang buwan
Kabukiran latason adlawng tanan

Inday
May lain ka ng kalipay
Lately man gud sige kang wa sa balay
Kanako ikaw kanunay
Nag likay likay

Inday
Please don't say to me goodbye
Unless you want to see me cry a river
Tanan nga gusto mo, inday, ihatag ko
Maputos man ko sa utang ok lang
Sulngon ko ang panggubatan
Pakamatyan ang buwan
Kabukiran latason adlawng tanan