Balay Ni Mayang

Lyrics and Music by Marianne Dungog & Kyle Wong





Anhia ko diri sa balay
Kay gimingaw na ko nimo gamay
Ayaw na pagdugaydugay
Pagdali na’g anhi kay
Ganahan ko kitang duha
Diri mupahuway

Nagsakit ang akong dughan
(Uy inday, kay ngano man?)
Ikaw ra ang hinungdan
(Ako ra gyud, wa na’y uban?)
Makahilak sad ko’g ahat
(Unsa man akong gibuhat?)
Akong kasingkasing imong gikawat

Anhia ko diri sa balay
(Chill lang gud, dili na ko magdugay)
Kay gimingaw na ko nimo gamay
Ayaw na pagdugaydugay
Pagdali na’g anhi kay
Ganahan ko kitang duha
Diri mupahuway
Ganahan ko kitang duha
Diri mupahuway

...taghoy (whistle)

Ayaw ko pahuwata
Nagluha akong mga mata
Busa hinaut nga unta
Kitang duha magkita na

(Ania na ko sa inyong balay)
Maglabinglabing lang kanunay
Ihatag ko kanimo ang imong kalipay
Hulmigason mura og kamay
Among atup bisag gianay
Murag atong gugma nga dili mamatay
Haaay…

Hinaut

Lyrics and Music by Paterno Ninal





Sulod sa dugay na nga panahon
Ang kaanyag mo ug pahiyum
Pagadamguhon ko, pagahandumon

Usahay magkasugat tang duha
Tuyo kong likayan imong mga mata
Dag-on sa ka-ulaw
Ambot og ngano

Ug ihalad ko kanimo ang tanang
Gihambin nga paghigugma
Nga kanimo lang
Bisan kun di takus king dughan
Tungod lagi kay timawa lamang
Apan tiunay and gugmang gibati
Ug kinasing-kasing
Nga kanimo lang
Hinaut nga imong lingi-on
Hinaut nga panumbalingon mo

(Instrumental)

Kun ang gugma ko dawaton mo
Laumi nga amumahon ko
Busgon sa pagmahal
Paga-ampingan

Ug ihalad ko kanimo ang tanang
Gihambin nga paghigugma
Nga kanimo lang
Bisan kun di takus king dughan
Tungod lagi kay timawa lamang
Apan tiunay and gugmang gibati
Ug kinasing-kasing
Nga kanimo lang
Hinaut nga imong lingi-on
Hinaut nga panumbalingon mo
Panumbalingon mo
Hinaut nga panumbalingon mo

Duyog

Lyrics and Music by Jewel Villaflores & Joe Edward Villaflores



Ikaw ang bahandi
Dugay ko nang gihandum
Ikaw ang bitoon
Sa ngitngit kong baybayon

Ikaw lang akong, akong higugmaon
Ikaw lang, ako, ako matinud-anon

Ikaw akong hangin
Ikaw akong ulan
Ikaw akong langit
Ug ang akong kalibutan

Ikaw lang akong, akong higugmaon
Ikaw lang, ako, ako matinud-anon

Ikaw akong gahapon
Ikaw akong karon
Ikaw akong kanunay
Pulong ko tinud-anay
Kasingkasing paminawa
Dinuyogan ning gitara
Wa ka nag-inusara
Kanimo nahigugma.
Ikaw

Ikaw ang katam-is
Kalipay nga way sama
Ikaw ba nasayod
Sa likod ning pahiyum…

Ikaw lang akong, akong higugmaon
Ikaw lang, ako, ako matinud-anon

Ikaw akong gahapon
Ikaw akong karon
Ikaw akong kanunay
Pulong ko tinud-anay
Kasingkasing paminawa
Dinuyogan ning gitara
Wa ka nag-inusara
Kanimo nahigugma

Tagohala nga gibati
Sa akong kinabuhi
Ikaw lang ang bulawan
Gitipigan sa ‘kong dughan
Mahanaw man ang adlaw
Magsubo man ang buwan
Dili ka gyud talikdan
Ug di gyud pasipad-an.

Ikaw.

Laylay

Lyrics and Music by Lourdes Maglinte





Piyonga na’ng imong mga mata
Ug paminaw kay kantahan tika
Ayaw na’g hilak ug katulog na
Na ko diri hangtud sa imong pagmata

Busa tulog na, tulog na
Sa mga damgo mo magbayle tang duha
Tulog na, tulog na
Na ko diri hangtud sa imong pagmata

Dia ra ko sa imong kiliran
Mahimo ra’g imo ko’ng sandigan
Diri sa dughan ko nabati kong tanan
Ang kakapoy sa mga katuigan

Busa tulog na, tulog na
Sa mga damgo mo magbayle tang duha
Tulog na, tulog na
Na ko diri hangtud sa imong pagmata

La la la la la la la
La la la la la la
La la la la la la la la
La la la la la la la
La la la la la la
La la la la la la la la

Lola, nakahinumdum ka pa ba
Nga imo kong kantahan sa una
Karon ako na sab ang mokanta
Laylayon ko’ng tanan nimo’ng kabalaka

Busa tulog na, tulog na
Sa mga damgo mo magbayle tang duha
Tulog na, tulog na
Na ko diri hangtud sa imong pagmata

La la la la la la la
La la la la la la
La la la la la la la la
La la la la la la la
La la la la la la
La la la la la la la la

Papictura Ko Nimu, Gwapo

Lyrics and music by Marie Maureen Salvaleon





Gwapo, kahibaw ko dagha’g kaila na nimo
Apil na ko sa nabuang og tanto
Pero murag gamay pang imong igo nako
Atik ra! Dako-dako na man pud diay ni ba
Kay lagi, di kuno lagi ko desperada
Gipasagdaan ra nako na sila’ng
Dumugon ka aron gakson nila, bisag hagkon pa
Pero intawon hangtud aping ra mo…

Haaaa… ganahan pud kong maduol gamay
Kana… ganing magtupad ta
‘Nya bukton nimo sa ‘ko ga-agbay
Bitaw uy, ang ako ra kay…

Papictura ko nimo (ahaha) gwapo
Kadyot ra ni, hinay ra ga’ing 1,2,3
Papictura ko nimo (ahaha) gwapo
Upload dayon’s Facebook
Bahala’g usa ka “like” ra pud
Pasuya gud gamay’s uban
Bisag pinatakilid na lang
Papictura ko nimo
Kadyot ra jud, gwapo

Gwapo, kahibaw ko
Naglaray nang nakagusto nimo
Di maihap kapin na sa libo
Apil na ko, pero intawn dili lang kaayo ko klaro kay
Pasimple ra ning version nako
Kay lage, kunuhay lagi manggiuwawon akong beauty
Kung ikaw na ang topic
Pwerteng makahisgot
Magpangita kung wala ka
Pero suwayi’g pakita
Tago-tago pud akong drama…

Haaaa… ganahan pud kong maduol gamay
Kana… ganing magtupad ta
‘Nya bukton nimo sa ‘ko ga-agbay
Bitaw uy, ang ako ra kay…

Papictura ko nimo (ahaha) gwapo
Kadyot ra ni, hinay ra ga’ing 1,2,3
Papictura ko nimo (ahaha) gwapo
Upload dayon’s Facebook
Bahala’g usa ka “like” ra pud
Pasuya gud gamay’s uban
Bisag pinatakilid na lang
Papictura ko nimo
Kadyot ra jud, gwapo

Gwapa, daplini sa
Give chance na pud intawon diha
Sige na, oh pwede ba
Ako na puy magpatagad
Ako na puy mutupad...

Papictura ko nimo (ahaha) gwapo
Kadyot ra ni, hinay ra ga’ing 1,2,3
Papictura ko nimo (ahaha) gwapo
Upload dayon’s Facebook
Bahala’g usa ka “like” ra pud
Pasuya gud gamay’s uban
Bisag pinatakilid na lang
Papictura ko nimo
Kadyot ra jud, gwapo

Historias

Lyrics and Music by Alphecca Perpetua





Naglakaw-lakaw [kos] panganod (panganod!)
[‘Nya!] Nahibulong ka’g nangutana’g nganu (ug ngano!)
[Ha!] Ug nganu man di-ay?
‘Buot ka’g magbaklay ko
Sa ako’ng damgo’ng [pagka!] lisod itinuod.

[Hoy!] Ayaw ko’g ingna’g “prinsipyo-prinsipyo”.
[Hoy!] Huna-hunaa ra gud nang mga tao nga way prinsipyo:
[Ha!] Magpatuyang lang diha
[Ah!] Ug bulhot lang diha
Wa gahuna-huna –[mga!] ‘pakaron’g ingnon!

Damgo lang diha, Dong!
Damgo lang diha, Day!
Damgo lang diha, Bai!

[Hoy!] Maglakaw-lakaw ko sa panganod,
[Kay!] Gigunitan ko ang paglaum.

Biraha ko, Dong!
Sulayi lang ug bira ko, Dong.
Sulayi la’g mabira ba ko?
Sulayi la’g mabira ba ko!

(Instrumental)

Damgo lang diha, Dong!
Damgo lang diha, Day!
Damgo lang diha, Bai!

Damgo lang diha, Dong!
Damgo lang diha, Day!
Damgo lang diha, Bai!